Deputeti i Kuvendit të Kosovës nga radhët e Lëvizjes Vetëvendosje, Adnan Rrustemi ka një hall me drejtshkrimin e gjuhës shqipe. Më saktësisht me atë se si shkruhet saktë fjala ‘çudi’.
Përderisa po kritikonte partitë opozitare për qëndrimin e tyre për zhvillimet e fundit në vend, deputeti Rrustemi tha se reagimi i tyre është i çuditshëm, por në të njëjtën kohë edhe mund të mos jetë i tillë.
Ajo që ka rënë në sy tek ky postim është shkrimi i fjalës ‘çudi‘ në dy raste. Njëherë me ‘ç’ të fortë dhe njëherë me ‘q’ të butë.
Nuk dihet nëse ishte gabim teknik i deputetit, apo ishte në mëdyshje se si shkruhet saktë fjala.
“Opozita ish dashtë me u brengosë nëse nuk ish zbatu Kushtetuta, ligji e nuk ish shtri sovraniteti, e jo me u shqetësu pse po shtrihet sovraniteti e pse po respektohet Kushtetuta.
Çudi, apo ndoshta nuk është qudi“, ka shkruar Rrustemi në Facebook.