Pak minuta pas përfundimit të afatit dhe hyrjes në fuqi të vendimit për riregjistrim Policia e Kosovës ka dhënë fletëqortimin e parë në vendkalimin kufitar në Jarinjë.
Një veturë e regjistruar me targa “KM”, e cila drejtohej nga një femër i është dhënë fletëqortimi i parë mbrëmë sapo ka hyrë data 1 nëntor.
Ajo deklaroi shkurt për mediat serbe se nuk ka pasur shqetësime në vendkalimin kufitar dhe se punonjësit e policisë i kanë dorëzuar një fletë me udhëzime për riregjistrim.
Siç ka shtuar ajo, nuk planifikon ta regjistrojë veturën në “RKS”, por është në pritje të vendimit nga Beogradi zyrtar.