Deputetë e Vetëvendosjes, Mefail Bajqinovci e Arbër Rexhaj e kanë vizituar sot në klinikën Ortopedike, policin, Mërgim Geci, i cili mbeti të shtunën i plagosur gjatë orarit të punës.

Për vizitën njoftoi vet deputeti Bajqinovci përmes një shkrimi në Facebook teksa shtoi se i uruan shëndet.

Ndër tjera ai tha se uniforma e shtetit duhet të respektohet.

Shkrimi i plotë:

Në cilësinë e deputetëve dhe anëtarëve të Komisionit për Siguri dhe Mbrojtje, së bashku me kolegun tim Arber A. Rexhaj vizituam policët e lënduar në Qendrën Klinike Universitare, të cilit i uruam shërim të shpejtë!

Njëri nga dy policët e lënduar në Skënderaj ishte liruar nga QKUK për trajtim në shtëpi.

Uniforma e shtetit duhet të respektohet!

Ndërkohë, Mërgim Geci dje i foli dy fjalë edhe për Gazetën Insajderi. Tha se gjendja e tij shëndetësore është më e mirë, nuk deshi të lëshohet në komente lidhur me rastin se çfarë ka ndodhur natën e 2 korrikut në Skenderaj.

“Po jam më mirë. Ende jam i shtrirë në spital”

I pyetur nga gazeta se cili është versioni i tij për situatën e krijuar natën kur ai është plagosur, Geci nuk pranoj të prononcohet.

/GazetaInsajderi

Lexo edhe: