Policia e Kosovës ka njoftuar se një person është dërguar pa shenja jete në QKUK.
Ngjarja ka ndodhur të martën rreth orës 18:20 në rrugën “Zija Shemsiu”, në Prishtinë.
“Viktima mashkull kosovar është sjellë në QKUK pa shenja jete. Vdekjen e viktimës e ka konstatuar ekipi mjekësor, ndërsa nuk dihen rrethanat e vdekjes”, thuhet në njoftim.
Lidhur me rastin është informuar edhe prokurori, ndërsa njësitet policore janë duke hetuar rastin.