Policia e Hamburgut thotë se sulmuesi dyshohet të jetë në mesin e të vrarëve sonte.

BNO news po citon një zëdhënës të policisë, Holger Vehren, i cili tha se nuk ka njohuri për ndonjë të arratisur dhe sugjeroi se vrasësi ishte në mesin e të vrarëve.

“Vetë oficerët dëgjuan gjithashtu një të shtënë që vinte nga katet e sipërme të ndërtesës. Ata u ngjitën lart dhe gjetën gjithashtu një trup atje”, tha Vehren.

Gazeta Bild raporton se shtatë persona kanë vdekur dhe 25 janë plagosur – tetë prej tyre në gjendje të rëndë – nga të shtënat, për të cilat thuhet se ndodhi në një qendër të Dëshmitarëve të Jehovait menjëherë pas orës 21:00 të së enjtes në mbrëmje.