Dita më e keqe politike për Kurtin ishte kjo e sotshmja, në të cilën ndodhi tërheqja nga kundërshtimi i Zajednicës.

Për t’ia bërë ditën më të lehtë Kurtit, pati një përkujdesje nga adhuruesit e tij publik.

Njëri pas tjetrin përpiqeshin që ta lavdëronin në mënyrë që të minimizoheshin kritikat ndaj tij.

I pari që ra në sy ishte Gëzim Mekuli. Bëri një akt servilosje të thellë.

Dy fjalë që morën vëmendje ishin këto:

“Kryeministri i pakorruptuar i Kosovës”, si dhe “ndjekësi i udhëzimeve humane e kombëtare të Rilindasve, Albin Kurti”.

Pritej që ky postim do të ishte akti më servil ndaj Kurtit gjatë ditës së Zajednicës.

Por, për fatin e keq të Mekulit ndodhi një shpërthim i adhuruesve tjerë të Kurtit që e lanë nën hije “norvegjezin”, e Vetëvendosjës.

Dy orë pas ti, shpërtheu Nezir Kraki, një qytetar i Kosovës që pretendon se është profesor në Paris.

Tërë postimi i tij ishte skandaloz e servil ndaj Kurtit.

“O debila amnezikë”, “Ju i turreni si qenë endacakë Albin Kurtit”, ishin fjalët qe Kraki zgjodhi për t’iu serviluar sot kryeministrit të Kosovës.

I vetmi që rivalizoi Krakin gjatë ditës ishte Bleron Baraliu, aplikanti për pasaportë amerikane që pretendon se e njeh politikën e jashtme dhe të brendshme të SHBA’së.

Ai zgjodhi që të lansoj ofendime kundër opozitarëve, për të kryer argatin pro Kurtit.

“Kllosharski”, “O kastravecë o patlixhanë”, ishin fjalët që Baralizu përzgjodhi në postimin servilues ndaj Kurtit.

Më poshtë mund t’i gjeni postimet e plotë secilit: Mekulit, Krakit e Baraliu.

Mund të vlerësoni edhe vetë se cili ishte postimi më servilues i postuar në ditën e Zajednicës

Kurti, i cili deri më tani ka kundërshtuar fuqishëm krijimin e Asociacionit njëetnik, të enjten shpalosi para deputetëve të Kuvendit të Kosovës gjashtë kushtet për formimin e tij.

Sipas Kurtit, Asociacioni nuk mund të jetë njëetnik, ai duhet të jetë në përputhje me Kushtetutën dhe ligjet e vendit, të ketë një emër tjetër dhe të mos ketë kompetenca ekzekutive, të ketë të përfshirë parimin e reciprocitetit mes shteteve sa i përket të drejtave të pakicave kombëtare, bazuar në modelet evropiane.