Pas videos, ku në shtëpinë e të moshuarve “Orenda” në Pejë, shihet dhuna ndaj një pacienteje të moshuar nga ana e një infermiereje, ka reaguar deputetja e Kuvendit të Kosovës, Duda Balje.
Përmes një postimi në rrjetin social, “Facebook”, Balje ka shkruar se kjo është e papranueshme.
Balje ndër tjerash tha se vajza që ka bërë këtë veprim duhet të mbaj përgjegjësi.
“O vajze me floke te zeza kush ta ka dhene të drejtën të bësh keto gjera, duhet te kesh turp per veten, dhe si te kane eduku prinderit. Ajo grua e moshuar nesër mund të jetë nëna jote. Kjo që bëtë është e papranueshme dhe do të duhet te mbani pergjegjesi. Turp te kesh”- ka shkruar Balje.