Të enjten, 05. 10. 2023, ora 19:00, në librarinë “Dukagjini” do të mbahet promovimi i librit “Secili me liqenin e vet”.

“Secili me liqenin e vet”, i shkruar nga autori maqedonas Nenad Joldeski dhe i botuar nga shtëpia botuese “Dukagjini” , është libri i dytë i kolanës Effugium, e cila mbështetet nga Creative Europe.

Ky libër, i përbërë nga 14 tregime, është një përmbledhje historish të vogla që burojnë nga absurditeti i jetës dhe i përgjigjen gjendjes melankolike të autorit/narratorit, i cili është në kërkim konstant të kuptimit ekzistencial të qenies njerëzore.
Libri është përkthyer nga Salajdin Salihu.

Ky libër, i përbërë nga 14 tregime, është një përmbledhje historish të vogla që burojnë nga absurditeti i jetës dhe i përgjigjen gjendjes melankolike të autorit/narratorit, i cili është në kërkim konstant të kuptimit ekzistencial të qenies njerëzore.

“Secili me liqenin e vet” është një ndërthurje mes fiksionales dhe reales, historive personale dhe kolektive, temave të mëdha dhe të vogla etj., që si emërues të përbashkët e kanë mënyrën minimaliste të shkrimit.

“Secili me liqenin e vet” është fitues i Çmimit Evropian për Letërsi, për vitin 2016.

Libri është përkthyer nga Salajdin Salihu. Salihu është profesor i letërsisë në Universitetin e Tetovës. Ai është përkthyes i mirënjohur nga maqedonishtja dhe serbishtja në shqipen. Disa nga veprat që ka përkthyer janë: Izet Sarajlić – “Kënga Sarajevase e luftës”; Predrag Lučić – “Azizi ose Dasma që e Shpëtoi Perëndimin”; Amir Bashović – “Shajni nga vendi i sermtë” etj.

Po ashtu, Salihu ka përkthyer edhe poezi të shumta nga shkrimtarë, si: Tin Ujević, Ćamil Siarić, Josif Brodsky, Czeslav Milosz, Zbignjev Herbert, Danilo Kiš, Marko Vešović etj. /ObserverKult/