Anëtari i Lëvizjes Vetëvendosje, Avni Zogiani, e ka përqeshur nënkryetaren e Partisë Demokratike të Kosovës, Vlora Çitaku, pasi kjo e fundit në një konferencë për media tha se Qeveria nuk u koordinua me “miqtë ndërkombëtarë” për masat e reciprocitetit me Serbinë.

Zogiani shkroi me cinizëm në Facebook, duke iu referuar Çitakut.

“Aksioani nuk o koan i koardinuam me miqet toan nderkoambtoar… une e diii se joam koan ambasadoare… Situata drejt pershkallezimit te rrezikshem!”, shkroi ai.

Nga LVV kanë vërshuar reagime pasi ambasadori amerikan në Prishtinë, Jeffrey Hovenier ka konfirmuar se vendimet e Qeverisë së Kosovës për reciprocitet me Serbinë për çështjen e targave dhe dokumentet e hyrje-daljeve ishin “plotësisht të koordinuara me komunitetin ndërkombëtar”.