Policia e Kosovës ka njoftuar se në rrugën “Llapi”, në qytetin e Obiliqit ka ndaluar një person i cili ka kaluar shpejtësinë e lejuar (60) km/h duke vozitur me shpejtësi (181) km/h.
Të njëjtin i është shqiptuar gjoba prej 300 euro dhe i është marrë patetntë shoferi për tre muaj.
“Tejkalim i shpejtësisë, kundërvajtësit i merret patentë shoferi për tre muaj
Në kuadër të zbatimit të Planit Operativ ,,Sezoni Veror’’ dhe ,,Siguria në trafikun rrugor’’ me qëllim të parandalimit të aksidenteve të trafikut e me theks të veçantë atyre me fatalitet, gjatë një pike kontrolli të automjeteve në rrugën “Llapi” në qytetin e Obiliqit, është ndaluar një kundërvajtës i cili në zonën ku është kufizimi i shpejtësisë (60) km/h duke vozitur me shpejtësi (181) km/h.
Të njëjtit i është shqiptuar gjoba në vlerë prej treqind (300) eurove, konfiskuar patentë shoferi dhe masa e përkohshëme e ndalim vozitjes në afat prej tre (3) muaj.
Policia e Kosovës me njësitetet e saja do të vazhdojë angazhimet për siguri në trafik dhe parandalim të aksidenteve”, thuhet në njoftimin e Policisë së Kosovës.