Një vrasje e rëndë ka ndodhur sot në Pejë. Burri ka vrarë gruan e tij në banesën e tyre.

Insajderi ka mësuar se personi i dyshuar për vrasjen e gruas së tij është Edmond Lajqi.

Sinjali ka raportuar se çifti dyshohet se kanë pasur raste të dhunës në familje që janë raportuar te organet e rendit.

Burimet e Sinjalit po ashtu kanë bërë me dije se Lajqi u dorëzua vet në Polici dhe raportoi për krimin ndaj bashkëshortes së tij, Gjyljeta Ukella.

Detaje për Insajderin ka dhënë kryeprokurori i Pejës Agim Kurmehaj.

Ai konfirmoi se viktima është vrarë më armë zjarri dhe që i dyshuari është arrestuar.

“Unë isha në vend të ngjarjes aty është edhe prokurori kujdestar dhe zëvendësi edhe vetëm e kemi informatën se burri se ka vra gruan. Burri është arrestuar dhe revolja me të cilën është kryer vepra penale është sekuestruar. Për informata tjera do t’ju mbajë të informuar me kohë”, konfirmoi kryeprokurori.