Këngëtarja Elhaida Dani është këtë vit një prej konkurrenteve më të forta të spektaklit Dancing With The Stars. Ajo ka rrugëtuar në këtë aventurë me balerinin Ledian Agalliu dhe mbrëmjen e djeshme ishte mbrëmja e gjysmëfinales.

Mirëpo, gjatë kërcimit të dytë, një vals, ata arritën një moment kulminant duke i dhënë njëri-tjetrit një puthje pasionante. Performanca e tyre mori përmasat e magjikes pasi dy partnerët shprehën hapur edhe dashurinë e tyre.

Prej kohësh, mediat kanë shkruar për afrimitetin e Elhaidës me Ledianin dhe mesa duket spektakli i vallëzimit i ka bërë bashkë jo vetëm në pistën e vallëzimit, por edhe drejt një rrugëtimi të ri jetësor.