Rruga Rexhep Luci me vendim të Komunës së Prishtinës është bllokuar për qarkullim të automjeteve.
Madje bllokadat e vendosura ia kanë pamundësuar lëvizjen edhe një burri të moshuar me karrocë.
Një banore që jeton në këtë zonë (e cila ka dashur të mbetet anonime) për Insajderin ka shprehur pakënaqësitë e saj në lidhje me këtë vendim të Komunës.
Ajo pos tjerash ka thënë se prej fillimit të mandatit, Përparim Rama asnjëherë nuk ka marrë pjesë në Dëgjimet Publike me qytetarët e kësaj zone, ndonëse, sipas saj, i pari i kryeqytetit u ka premtuar një gjë të tillë.
Për banoren shqetësuese është bllokimi i rrugës edhe për Auto Ambulanca.