Zëvendëskryeministri Besnik Bislimi i ka reaguar deputëtëve të Lidhjes Demokratike të Kosovës për termin “persona të zhdukur më dhunë”, term ky i përmendur në marrëveshjen në mes Kosovës dhe Serbisë.
Bislimi ka thënë se deputeti i LDK’së, Driton Selmanaj kishte deklaruar se çështja e të pagjeturve është konsumuar.
Sipas tij, edhe ish-kryeministri, Avdullah Hoti nuk e kishte prioritet këtë çështje në dialogun me Serbinë.
“Sa i përket deklaratës për personat e zhdukur me forcë deklarata e dakorduar në Bruksel nga ish kryeministri hoti i ka pas 7 fjali. Titullin e ka “missing persons”, këtu thuhet se me këtë çështje do të merremi një vit pasi ta kemi marrëveshjen finale me Serbinë. Deklarata që ne kemi dakorduar në takimin e fundit në Bruksel e ka titullin e kryeministrit Kurti. Më tregoni se në cilën marrëveshje na iu është referuar Serbia me këtë term. Persona të zhdukur me dhunë- është mirë me identifiku vetëm një fjali këtu personat e zhdukur nuk janë kategori e re është iditotësi të thuhet se po barazohen krimet”, ka deklaruar Bislimi, raporton Insajderi.
Në replikë, Selmanaj i nervozuar e tha se është “fat i tmerrshëm për Kosovën që përfaqësohet nga Besnik Bislimi”.
“Tema e të pagjeturëve është fakt historik ka qenë top prioritet i qeverisë Hoti. Ne kemi thënë se nuk ka asnjë marrëveshje tjetër pa marrëveshje për njohjen reciproke. Nuk është ai dokument që ju po i referoheni. Kurrë në jetën time nuk kam thënë se çështja e të pagjeturve është konsumuar. Ju dikush që dyshoni në gjakun tuaj nuk ju kam faj unë”, theksoi deputeti i LDK’së. / Insajderi