Këngëtarja e njohur shqiptare, Filloreta Raçi-Fifi është drejt finalizimit të projektit më të ri muzikor.
Kështu ka bërë të ditur këngëtarja nga Ferizaj përmes një postimi në llogarinë e saj në Instagram.
Fifi ndër tjera ka zbuluar se kënga mban titullin “Trauma” dhe do të jetë një tjetër bashkëpunimi megjithatë nuk e ka zbuluar emrin e artistit.
“Trauma, së shpejti në bashkëpunim me …?”, ka shkruar Fifi sipër një video të shkurtër që ndau me fansat.
Kujtojmë që edhe projekti i saj i fundit ishte një duet me reperin e njohur Gjiko.
Dyshja e suksesshme në gusht sollën këngën me titullin “365” e që u prit mirë nga publiku dhe deri më tani ka grumbulluar mbi dy milionë klikime në kanalin zyrtar në YouTube.
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2024 Gazeta Online Insajderi - Të gjitha të drejtat e rezervuara.
