×
  • Lajme
  • Insajderi

    Flet avokati i arsimtares që u përjashtua nga shkolla për shkak të shamisë: Drejtori 5 ditë ushtroi dhunë psiqike…

    Insajderi
    01 September 2022 - 22:44

    Arsimtarja e matematikës, Remzie Lezi është përjashtuar nga Shkolla Fillore e Mesme e Ulët “Flamuri i Arbrit” në Komunën e Suharekës, kjo për shkak se mbante shami.

    E njëjta, sipas avokatit të saj Muhamet Mujaj, është ofenduar dhe nuk është lejuar të hyjë as brenda në shkollë.

    “Jam kanë vet aty të premten e kam pa gjendjen qysh është. Drejtori është sjellë në mënyrë të vrazhdë se ka lanë asnjëherë me hy as brenda në shkollë, pa asnjë shkresë zyrtare, i ka bërë dhunë psiqike dhe e ka fyer me fjalë të ndyta”- tha avokati Mujaj në një prononcim për Gazetën Insajderi.

    Tutje, avokati bëri të ditur se presin nga Drejtoria e Arsimit në Suharekë që të anulohet kjo kërkesë.

    “Është shkresë që e ka nxjerrë drejtori së bashku me këshillin drejtues, sipas asaj që shkruhet aty. Po besoj që vendim duhet me marrë drejtoria e arsimit në Suharekë, kemi bo kërkesën jemi tu pritë me anulu kërkesën” – përfundoi Mujaj.

    Më poshtë shkresa e plotë e Shkollës “Flamuri i Arbrit” në Suharekë, e cila përmbanë një mori gabimesh gramatikore dhe sintaksore.

    “Që duke u mbështetur në UA.nr03/2016, neni 3 pika 7, që ndalon bartjen e uniformes fetare, i gjithë këshilli vendosi unanimisht që nuk i lejohet arsimtares së matematikes, znj, Remzie Lezi ta ushtrojë profesionin e mësuesisë në shkollën tonë”.

    Shkresa e Drejtorit të shkollës në Suharekë që kërkoi të largohej nga puna arismtarja me shami.

    Kujtojmë se, për lejimin e bartjes së shamisë në shkolla, para një muaji ishte zhvilluar edhe një fushatë në rrjete sociale. Ishin Durim Berisha dhe Liridon Kurti që kërkuan të ndryshohet Neni 3, paragrafi 1.13 i Udhëzimit Administrativ Nr. 06/2014 i cili ndalon bartjen e uniformës fetare në shkolla që ishte hartuar në vitin 2014 nga ministria e Arsimit.

    Derisa, ministrja e Arsimit, Arbërie Nagavci, kishte thënë se udhëzimi administrativ që e ndalon bartjen e shamisë në shkolla nuk do të ndryshojë.

    Ndryshe, Kryeministri i Kosovës, Albin Kurti kishte theksuar edhe një herë qëndrimin e tij pro mbajtjes së shamisë për vajzat nga mosha 16-vjeçare.

    “Qëndrimin tim unë e kam thënë para shumë vjetësh, e qëndrimi është që nuk duhet të ketë ndalim të shamisë dhe të elementeve të tjera fetare në jetën publike të qytetarëve. Por, gjithashtu kam thënë se mosha 16-vjeçare është pragu”, kishte thënë Kurti.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark