Armando Broja është një nga lojtarët më të spikatur te Kombëtarja shqiptare, pasi luan me skuadrën e Chelsea.

Por jo vetëm kaq, 21-vjeçari është dhe lojtari më i paguar sa i përket kuqezinjve që luajnë në Evropë. Kontrata e re e firmosur me blutë e Londrës në muajin shtator kënaq gjithashtu edhe xhepin e Brojës, i cili fiton plot 4 mln paundë në vit.

Portali ‘Salary Sport’ ka publikuar rrogat e futbollistëve, ku nuk mungojnë as ato të legjionarëve. U transferua nga Napoli tek Lacio, Hysaj tek skuadra romane përfiton 3.2 mln paundë në vit, i ndjekur nga Kumbulla me 2.8. Pjesa më e madhe e lojtarëve të Kombëtares aktivizohen në Serinë A, teksa të tjerë emra janë Berisha, Gjimshiti apo Ismajli.

Transferimi i madh tek kuqezinjtë është padyshim ai i Asllanit, i cili me kalimin e tij nga Empoli tek Interi përfiton 4-fish më shumë.

E njëjta gjë ka ndodhur me Xhakomo Vrionin, edhe pse ky i fundit ka kaluar në Ligën Amerikane aty ku ka një pagë prej 1.5 mln paunë në vit. Ndër ligat kryesore, Franca ka pagesa më të ulëta sa u përket lojtarëve tanë, ku Qazim Laçi ka një fitim vjetor afro 90 mijë paundë.