Policia e Kosovës ka ndëshkuar një shofer me 400 euro gjobë dhe 10 muaj ndalesë për të drejtuar automjet, pasi i njëjti ka marrë pjesë në gara ilegale në autostradë.
Identifikimi i shoferit është bërë pas publikimit të një videoje në rrjete sociale.
“Parandalimi i garave ilegale të shpejtësisë në autostradë. Njësia për Kontroll të Autostradave në kuadër të planit “Parandalimi i garave ilegale të shpejtësisë në autostradë” dhe në bazë të publikimit të video incizimeve në rrjetet sociale ka identifikuar shoferin që ka marrë pjesë në gara ilegale të shpejtësisë, i njëjti është gjobitur 400 €, 4 pikë negative dhe 10 muaj i është ndaluar drejtimi i mjetit me veprim motorik”, thuhet në njoftimin e Policisë.