Reporteri i verbër i BBC-së, Sean Dilley ka pësuar lëndime nga një hajdut.

Një hajdut e goditi gazetarin Sean Dilley, i cili ishte në detyrë gjithë natën e së martës. Pak para orës 6 të mëngjesit i është afruar një person me biçikletë.

Gazetari bëri të ditur se ia kishte rrëmbyer telefonin fillimisht.

“Më ka rrëmbyer celularin nga dora”, ka shkruar ai në Twitter.

Siç njofton BBC, gazetari kapi hajdutin dhe e hodhi në tokë, sekuestroi celularin dhe kontaktoi policinë përmes asistentit zanor.

Ai shtoi se nuk ka pasur dëme materiale, por ka pasur dhimbje fizike. Ai ka pësuar disa prerje dhe mavijosje.

Edhe pse veproi me zgjuarsi, Dilley thotë se kur e mendon në retrospektivë e sheh sjelljen e tij në mënyrë kritike.

“Asnjë objekt nuk ia vlen të rrezikoni shëndetin tuaj. Ajo që bëra sot nuk ishte veprim shumë i zgjuar”.

Megjithatë, ndërhyrja e guximshme e Dilley ngjalli kryesisht komente pozitive.

Lexo edhe: