Një gjuajtje me armë zjarri është raportuar në rrugën “Sulejman Hadum Aga” në Gjakovë.

Policia në Gjakovë me të pranuar informatë kanë dalë në vendin e ngjarjes ku kanë arrestuar B.P., 18 vjeç, mbi dyshimin se i njëjti kishte shtënë me armë zjarri.

Gjatë kontrollimit, tek i dyshuari është gjetur dhe sekuestruar një pistoletë me një karikator dhe dy gëzhoja.

Lidhur me rastin është njoftuar Prokurori i Shtetit, me vendimin e të cilit personi i dyshuar është ndaluar në mbajtje për 24 orë.

“Ndaj tij është iniciuar rast për vepër penale “Përdorim i armës apo mjetit të rrezikshëm” dhe “Mbajtje në pronësi, kontroll ose posedim të paautorizuar të armëve””, thuhet në njoftim.