Gjykata Themelore e Pejës, e ka dënuar me vetëm 8 muaj burgim të akuzuarin për përdhunimin e një 15 vjecareje për vepren e cila kishte ndodhur në vitin 2012. Për një vepër të tillë sipas Ligjit dënimet parashihen të jetë nga 5 deri në 20 vite burgim.

Lidhur me këtë skandal të gjykatës ka reaguar ashpër Ministrja e Drejtësisë, Albulena Haxhiu.

Haxhiu ka thënë se është shqetësuar me këtë vendim pasi sipas saj është i padrejtë dhe përvec që motivon dhunuesit po i dhunon për së dyti viktimat.

“Sapo përfundova fjalën në konferencën që i dedikohej viktimave të krimit, u njoftova me lajmin që dhunuesi seksual ndaj vajzës 15 vjeçare qenka dënuar me vetëm 8 muaj e 8 ditë burgim, pa asnjë rrethanë rënduese dhe fatkeqësisht shumë rrethana lehtësuese.

Jam shumë e shqetësuar në raport me këto vendime absurde të padrejta dhe që motivojnë dhunuesit dhe që dhunojnë për së dyti herë viktimat”, tha Haxhiu.