Ish-emisari presidencial i SHBA-së, Richard Grenell, ka qëndruar gjatë të premtes në veri të Kosovës, pas tensioneve disa javore atje. Grenell në paraqitjen i tij para mediave ka thënë se problemi i veriut s’mund të zgjidhet në Bruksel dhe se lidershipi amerikan është më i nevojshëm se kurrë.

Përgjatë kësaj konference për media, ish-emisari amerikan është shqetësuar nga një telefoni i një të pranishmi në vendin ku mbahej konferenca.

Në katër minuta sa ka folur, telefoni i këtij personi që ndodhej tek pjesa e gazetarëve ka rënë tri herë, e që vërehet qartazi që e bën nervoz politikanin amerikan.