Sulmuesi norvegjez Erling Haaland është parë duke ecur i vetëm rrugëve të qytetit të Manchester, shkruan Insajderi.

Superylli norvegjez është incizuar nga disa tifozë të Manchester United, duke e ngacmuar me fjalë.

“Haaland ke ardhur në anën e gabuar të qytetit. Sezonin e ardhshëm hajde në United”, ishin fjalët e tifozit të “Djajve të Kuq” i cili nga vetura e tij e incizonte sulmuesin e Manchester City.

Haaland këtë sezon është transferuar në Manchester City, duke refuzuar rivalin e qytetit Manchester United.

22 vjeçari deri më tani në pesë paraqitje ka shënuar dhjetë gola vetëm në Premier League.

Po ashtu në debutimin e tij në Ligën e Kampionëve me fanellën e Cityt, ai shënoi dy gola. /Insajderi/