Kryetari i Aleancës për Ardhmërinë e Kosovës, Ramush Haradinaj, tha se Asociacioni është trashëguar nga qeveritë e kaluara, dhe se tash është obligim ndërkombëtar, që Kosova nuk mund ta mënjanojë.
“E kemi një të keqe të trashëgume. Na ka mbet në derë. I ka mbet Kosovës. Është trashëgu nga paraardhësit tonë. Institucionet tona kanë marrë obligim ndërkombëtar për Asociacionin. E kemi, nuk ka dilema”, ka thënë ai.
Haradinaj foli edhe për Komisionin Menaxhues për Asociacionin, i cili tha se marrëveshja e vitit 2015, ka obliguar që ky komision të përbëhet nga persona të nacionalitetit serb.