Departamenti amerikan i Shtetit ka vendosur në listën e sanksioneve Nexhat Krasniqin, shefin aktual të prokurimit në Ministrinë e Mjedisit, Planifikimit Hapësinor dhe Infrastrukturës, për shkak të përfshirjes në korrupsion të madh.

Pas kësaj ka reaguar ambasadori i Shteteve të Bashkuara të Amerikës në Kosovë Jeff Hovenier, ai ka thënë se ky njoftim nga Amerika tregon se sa me seriozitet e trajtojnë çështjen e korrupsionit.

“Ky njoftim rikonfirmon seriozitetin me të cilin Shtetet e Bashkuara i trajtojnë çështjet e korrupsionit. Ne do të vazhdojmë të përdorim të gjitha mjetet në dispozicion për të promovuar llogaridhënien dhe për të penguar sjelljen e ardhshme kriminale duke mbështetur institucionet e Kosovës për sundimin e ligjit’ ka shkruar Hovenier në “Twitter”.

Po ashtu, nën sanksione janë vendosur edhe fëmijët e Krasniqit, Aulona dhe Olti Krasniqi të cilëve po ashtu nuk do t’iu lejohet hyrja në SHBA.

Në vitin 2015, Krasniqi u dënua me 26 muaj burgim pasi u gjet fajtor për keqpërdorim të detyrës zyrtare në rastin e Parkut të Biznesit në Drenas.

This announcement reaffirms the seriousness with which the United States takes corruption issues. We will continue to use all available tools to promote accountability and deter future criminal behavior while supporting Kosovo’s rule of law institutions. https://t.co/oI199g1148

— Ambassador Jeff Hovenier (@USAmbKosovo) November 3, 2023