Zëdhënësja politike e LDK-së, Sibel Halimi, ka kritikuar deputetët e Lëvizjes Vetëvendosje, të cilët nuk morën pjesë në seancën e sotme të Kuvendit të Kosovës.

Halimi ka thënë deputetët e LVV’së janë të papërgjegjshëm dhe arrogantë.

“Kuvendi si pushteti kryesor në Republikë, në vend se ta ushtrojë funksionin e përfaqësimit të sovranit, po e bojkoton funksionin parësor të tij, kontrollin ndaj Qeverisë. Shumica parlamentare nuk lë asnjë instituticion e individ pa e denigruar, kurse kur vjen çështja te të dhënurit llogari, ikin dhe fshehen nga sytë e njerëzve që i sollën në pushtet?!“, ka shkruar ajo në Facebook.

Tutje, Halimi tha se qytetarët meritojnë sqarime se “përse nuk ka kontrollë ndaj Qeverisë“.