×
  • Lajme
  • Lajme / Kosovë

    Incidenti në Leposaviq – reagon Lista Serbe

    Insajderi
    23 January 2023 - 15:33

    Lista Serbe ka reaguar në lidhje me incidentin që ka ndodhur të hënën në Bistricë të Leposaviqit.

    Në reagimin e tyre thuhet se nga të shtënat me armë është plagosur një serb i cili sipas tyre quhet Miljan Deleviq.

    Lista Serbe e ka akuzuar kryeministrin e Kosovës, Albin Kurti për dërgimin e njësiteve policore në veri të Kosovës.

    Sipas Listës Serbe, Policia e Kosovës, qëllimshëm ka qëlluar për ta vrarë serbin i cili sipas tyre vetëm është plagosur.

    Incidentin e ka konfirmuar edhe Policia Kosovës, por nuk kanë bërë të ditur nëse ka pasur të plagosur.

    Sipas policisë, të hënën e 23 janarit në Bistricë të Leposaviqit, teksa një njësi policore ishte duke ruajtur rendin dhe sigurinë publike ka tentuar ta ndalojë një veturë e cila gjatë ngasjes ka goditur automjetin e policisë.

    Kjo sipas policisë ka rrezikuar drejtpërdrejt jetën e zyrtarëve policorë andaj për ta neutralizuar rrezikun ndaj tyre kanë shtënë me armë zjarri.

    Sipas njoftimit, personat e dyshuar, së bashku me mjetin e tyre janë larguar nga vendi i ngjarjes, përderisa hetimet lidhur me rastin janë duke u kryer, në bashkëpunim dhe koordinim me organet e drejtësisë.

    Lidhur me rastin, Policia e Kosovës ka njoftuar edhe Inspektoratin Policor të Kosovës për procedura të mëtejme.

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark