Për paralajmërimi e qeverisë për të mos ekzekutuar pagat për mësimdhënësit që ishin pjesë e grevës ka folur edhe deputetja e tanimë LDK-së, Doarsa Kica-Xhelili, shkruan Insajderi.
Ajo po e quan si të gabuar këtë veprim të qeverisë përkatësisht tha se e ka parë me shumë shqetësim këtë zhvillim, pas pezullimit të grevës.
Kica-Xhelili shton se qeveria nuk i punëson mësuesit.
“E kam parë shumë me shqetësim, jo vetëm si LDK, por edhe personalisht. Për mendimin tim dhe të LDK-së, dialogu social nuk është ezauruar”, ka thënë ajo në Pressing përcjell Insajderi.
Sipas saj nuk është momenti për të dënuar mësimdhënësit, qoftë ky dënim edhe i bazuar në dispozita ligjore, e që sipas saj nuk është.
“Po ballafaqohemi me inflacion të skajshëm. Momentumi nuk është që të dënohet dikush, qoftë edhe ligjshëm”, tha Kica-Xhelili.
Ajo është shprehur se është në të drejtën e komunave që të vendos për ekzekutimin e pagave të mësimdhënësve, ngase ato janë punëdhënëse të tyre.
“Qeveria po e sheh veten si punëdhënës të mësimdhënësve. Nuk është. Punëdhënëse e mësimdhënësve janë komunat. Qeveria është e obliguar ta ekzekutojë vlerën që kërkojnë komunat”, potencoi ajo.