×
  • Sport
  • Sport

    Klubi i njohur italian synon transferimin e Jobe Bellinghamit

    Insajderi
    12 February 2024 - 21:32

    Lazio raportohet se është i interesuar të bëjë një lëvizje për talentin e Sunderland, Jobe Bellingham, në verë.

    “Biancocelestët” nuk arritën të bënin asnjë përforcim në afatin kalimtar të janarit, por ata janë duke menduar tashmë për afatin e verës.

    Siç raportohet nga “Il Messaggero”, klubi italian po vëzhgon Bellinghamin përpara se të bëjë një lëvizjeje të mundshme gjatë verës.

    Anglezi i talentuar është vëllai i Jude Bellingham, i cili po kalon sezon të jashtëzakonshëm me Real Madridin.

    18-vjeçari ka bërë përshtypje këtë sezon me lojërat e tij, teksa ka kontribuar me pesë gola dhe një asistim në Championship – kategoria e dytë e futbollit në Angli.

    Për Lazion nuk do të jetë aspak e lehtë të nënshkruajë me ish-mesfushorin e Birmingham Cityt, pasi për të interesim kanë shfaqur edhe klubet tjera.

    Real Madridi e Newcastle United janë dy prej klubeve që besohet se kanë shprehur gjithashtu interesim për Jobe Bellingham. 

    Klikoni Këtu për t'u bërë pjesë e kanalit zyrtar të Gazetës Insajderi në Viber.
    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark