Sonte (29.05.2023), ora 20:00, në Teatrin “Adriana” të Ferizajit do të jepet komedia “E vërteta” me tekst të krijuesit të njohur francez, Florian Zeller, dhe regji të Agon Myftarit.
Kjo shfaqje është prodhim i teatrit publik të qytetit të Gjilan dhe në Ferizaj jepet në cilësinë e shfaqjes mysafire.
Regjisori Agon Myftari është një nga emrat më të njohur dhe më të respektuar të artit teatror në Kosovë. Sipas profesionistëve të teatrit, ai shquhet në zgjedhjen e temave, teksteve dramaturgjike, dhe kreacioneve regjisoriale.
Në shfaqje luajnë: Kushtrim Qerimi, Tringa Hasani, Avni Shkodra dhe Safete Mustafa Baftiu.
Shënim për shfaqjen:
“E vërteta përballë apo ballafaqon dy çifte, të cilët gjatë jetës së tyre kanë humbur kuptimin e së vërtetës.
Sa larg do të shkojnë ata për ta fshehur atë, kush tradhëton kë, pse tradhëtohet, kush është më i mirë në tenis, cila është e vërteta, a humbet ajo mes rreshtave apo thuhet, sa të dhemb dhe sa mund ta duroni të vërtetën. “