Një rast i rëndë ku është përdorur dhunë fizike ka ndodhur në një nga shtëpitë e të moshuarve në Kosovë. Në lidhje me rastin ka reaguar kryetari i Pejës Gazmend Muhaxheri.
Ai tha se nuk është në përgjegjësi të Komunës ky institucion.
“Komuna e Pejës nuk menaxhon me asnjë institucion i cili ofron shërbime geriatrike”, ka shkruar ai.
Muhaxheri tha se janë ftuar Inspektoriati i Shëndetësisë që ky rast të trajtohet me seriozitet.
Një video shokuese është publikuar sot në rrjetet sociale. Një e moshuar shihet se po goditet me shuplaka në fytyrë nga një infermiere.
Janë arrestuar dy të dyshuara për sulmmin ndaj gruas së moshuar, në shtëpinë e pleqve në Pejë.
Rastin për Gazetën Insajderi e ka konfirmuar Veton Elshani nga Policia në Pejë.
Aktorja Kaltrinë Zeneli kishte publikuar në Facebook një video ku shihet një infermiere duke e goditur me shuplaka fytyrës një plak të moshuar.
Teksa ajo e godet, koleget e saja dëgjohen duke qeshur me këtë akt mizor.