“Kosovën e pret një dimër i vështirë”, kështu ka deklaruar ministrja e Ekonomisë, Artane Rizvanolli derisa ka kërkuar që masat emergjente për situatën energjetike në Kosovë të vazhdojnë edhe më tutje, shkruan Insajderi.
Ministrja theksojë se kanë shfuqizuar vendimin e vitit 2018 lidhur me ndalimin e dhënies së thëngjillit në formë dhurate për punëtorët e KEK-ut.
“Jemi në një kohë kur moti po fillon të ftohet. Tani po kërkojmë që masat emergjente të zgjaten duke pasë parasysh se pritet të jetë një dimër i vështirë.
Gjatë kësaj kohe kemi marrë disa vendime. Kemi marrë vendim për ndalimin e dhënies së thëngjillit në formë të dhuratës për punëtorët e KEK.
Së shpejti do të bëhet ndalimi i importit të poçave elektrikë joefiçent”, tha ndër të tjera Rizvanolli gjatë raportimit në Komisionin për Ekonomi, Industri, Ndërmarrësi dhe Tregti.