Kroacia ka filluar me dërgimin e operacionit të dërgimit të 14 helikopterëve transportues në Ukrainë.

Bëhet fjalë për 12 helikopterë MI 8 MTV-1 dhe dy tjerë MI 8 T, që janë dedikuar për ushtrinë ukrainase.

Siç raportojnë mediat kroate, shumë helikopterë janë parë në hapësirën e bazës ajrore Velika Gorica, ku teknikët e ushtrisë kroate po kryejnë të gjitha përgatitjet teknike.

Sipas ushtrisë kroate, helikopterët do të jenë të gatshëm për transport për dhjetë ditë.

Shtatë helikopterë do të çmontohen dhe do të transportohen me kamionë, kurse shtatë tjerë do të fluturojnë për në Poloni nga ku do të vazhdojnë për në Ukrainë.