Kuvendi i Kosovës sot na servoi pamje të turpshme. Deputët e Partisë Demokratike u konfrontuan me deputetë dhe ministra të qeverisë Kurti.
Përderisa kryeministri, Albin Kurti po fliste në foltoren e Kuvendit për përgjimin ku është e përfshirë shefja e Grupit Parlamentar të VV-së, Mimoza Kusari, situata u tensionua, shkruan Insajderi.
Kjo pasi deputetja e PDK-së, Ganimete Musliu ia vendosi Kurtit në foltore një fotografi me hundën e Pinokios. Në ato momente, deputeti i të njëjtës parti, Mërgim Lushtaku u afrua dhe e lagu me ujë Albin Kurtin si dhe Besnik Bislimi.
Situata agravoi kur u afrua ministri Hekuran Murati dhe ministrja Albulena Haxhiu të cilat Lushtaku i shtyu. Ky i fundit nisi të shpërndante grushte në drejtim të Muratit e Bislimit teksa tentoi të arrinte Kurtin.
Kryeministrit i doli në ndihmë mbrojtja e afërt, por deputeti i VV-së, Armend Muja nuk po iu besonte se do ta mbronin. Muja arriti shpejt në foltore i hapi krahët në mbrojtje të Kurtit.
I gatshëm të jap edhe jetën për të, Muja në një moment ia prek qafën Kurtit. Kur arrin t’i afrohet e kap për ta larguar komplet nga përleshja.
Pas gjithë kësaj situate, Kuvendi shkoi në dy orë pauzë, ndërkohë shumica e deputetëve po qëndrojnë brenda objektit. /Insajderi.org