I dërguari special i Bashkimit Evropian për Dialogun Kosovë-Serbi, Miroslav Lajçak, është takuar me kryeministrin e Kosovës, Albin Kurti. Më parë, Lajçak është takuar edhe me presidentin e Serbisë Aleksandër Vuçiq.

“Këtë mëngjes kam mbajtur takime të ndara me Kryeministrin e Kosovës, Albin Kurti dhe Presidentin e Serbisë, Aleksandër Vuçiq, për t’u përgatitur për takimin e nivelit të lartë të dialogut këtë pasdite”, ka shkruar Lajçak.

Kështu, sot pritet që të zhvillohet takimi i dytë ndërmjet Kurtit e Vuçiqit. Takimi i parë ndodhi me 15 qershor, ku e vetmja gjë që ishin pajtuar ka qenë zhvillimi i një takimi tjetër. Që do të ndodhë sot. Divergjencat ndërmjet palës kosovare dhe serbe janë të mëdha. Ndërsa, bashkësia ndërkombëtare bën thirrje për kompromis.