×
  • Lajme
  • Lajme / Kosovë

    Kurti vizitoi komunën e Zubin Potokut por nuk e takoi kryetarin që vije nga PDK

    Insajderi
    03 April 2024 - 15:41
    Klikoni Këtu për t'u bërë pjesë e kanalit zyrtar të Gazetës Insajderi në Viber.

    Pa paralajmërim, nën masa të rrepta sigurie, kryeministri Albin Kurti sot ka marrë rrugën për në Veriu e Kosovës. Ai ka zhvilluar disa vizita. Fillimisht në Leposaviq ku u takua edhe me kryetarin, Lulzim Hetemi, për të vazhduar tutje rrugën për në Zubin Potok.

    Atje Kurti nuk takoi kryetarin, Izmir Zeqiri i cili vije nga radhët e PDK-së.

    Se nuk e takoi për Insajderin e ka konfirmuar vet Zeqiri duke theksuar se nuk ka qenë në dijeni të vizitës së tij.

    “Jo nuk jam takuar… nuk kam qenë i informuar për vizitën e tij”, tha ai.

    Kryetari u shpreh se në momentin kur Kurti kishte arritur në komunë, nuk ishte i pranishëm në ambiente pasi kishte një takim në Mitrovicë.

    Ai shtoi se lajmin për vizitën e kryeministrit e kuptoi nga gazetarët.

    “Jo kam pasur një takim në Mitrovicë dhe nga gazetarët kam kuptuar se kryeministri është në vizitë në Zubin Potok”, u shpreh ai për Insajderin.

    Pas Zubin Potokut, Kurti për vizitë u ndalë edhe në Mitrovicën e Veriut. Atje e takoi edhe kryetarin Erden Atiq.

    Theksojmë se forca të Policisë së Kosovës siguruan objektin komunal dhe rrugët që të çojnë te ai.

    Në Veri Kurti u shoqërua nga ministrat Xhelal Sveçla dhe Elbert Krasniqi.

    /Insajderi

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark