Sot, gjatë seancës së Kuvendit shefja e grupit parlamentarë të Lëvizjes Vetëvendosje, Mimoza Kusari-Lila është përplasur me deputetin nga rradhët e LDK-së, Lumir Abdixhiku, pasi ky i fundit ia ka përmendur bashkëpunimet e saj politike me të gjitha partitë shqiptare.
Kusari- Lila, deklaratën e Abdixhikut e ka cilësuar seksiste dhe mizogjene.
“Sa i përketë gjuhës seksiste, mizogjene që përdorni ndaj një gruaje se s’jeni i pari, në këtë foltore e ka përdorë zoti Haradinaj, i dyti e përmendi një deputet i grupit tonë parlamentarë, i treti ju që mundoheni të bëni asocimin e një gruaje me burrat tjerë. Unë po thom veç një, kam qenë në një parti, ka qenë Aleanca Kosova e Re dhe pastaj kam qenë në partinë tjetër që e udhëheq, Alternativa. Të gjitha këto lëvizje që mundoheni t’i bëni para qytetarëve të Repulikës, ta dini e ka vetëm një qëllim, mundoheni për ta ushqy gjuhën e urrejtjes ndaj gruas në politikë. Dhe, kjo është fytyra juaj e vërtetë, që e persëritni për herë të dytë në kuvend”, kapërfunduar ajo.
Por, asocimi i një gruaje me burra të tjerë a cilësohet mizogjeni?
Termi mizogjeni do të thotë përballje me paragjykime, stereotipe dhe gjuhë të urrejtjes vetëm për faktin se individi është grua ose vajzë.
Kjo fjalë është e formuar nga rrënjët greke misein (“të urresh”) dhe gynē (“grua”)./Insajderi