Gjithçka dukej e zakonshme – një veturë godet një shenjë komunikacioni. Shoferi shpëton i gjallë. Pasagjerja në anën e djathtë të veturës vdes. Kështu edhe ishte hapur rasti i parë për vdekjen e Kosovare Kurtajt, një shtetase e Francës që kishte ardhur për pushime në atdhe, Kosovë. Autopsia do të bëhej.

Trupi i saj pastaj u varros, ani pse qysh në raportin e parë të autopsisë do të ngiteshin shumë pyetje për mënyrën se si vdiq Kosovare Kurtaj.

Në procesin e autopsisë do të mungonin policët, ani pse ishin urdhëruar nga Gjykata që të prezantonin. Do të mungonin edhe kolegët e tyre nga trafiku.

Nënës së saj, që ka dhënë një intervistë ekskluzive për InDoks, madje i ishte thënë që edhe rituali i larjes së xhenazës ishte kryer po në Institutin e Mjekësisë Ligjore. Kosovare Kurtaj do të varrosej shumë shpejt pasi përfundoi autopsia. Shumë shpejt pasi ndodhi aksidenti.

Dhe këtë shpejtësi, sot e sheh si shumë të dyshimtë nëna e saj që ka mbi një dekadë që po e kërkon një përgjigje: Kush e vrau Kosovaren? A u vra vërtetë nga aksidenti? A ishte vrarë me herët dhe aksidenti u inskenua?

Një hetim për këtë dyshim ka nisur tash e tetë vite- por pa rezultat. Tri prokurore, gra, janë ndërruar, por pa rezultat.

InDoks në këtë episod i kthehet edhe një herë këtij rasti. Me intervista ekskluzive dhe dokumente të pa publikuara me parë. E diel, ora 20:00. Në Kanal 10 dhe live në Insajderi.TV në YouTube.

@insajderiinsajderi Gazetarja e Insajderit Donjeta tregon se çka do të transmetohet në InDoks këtë të diel. #InsajderiTV #Donjeta #Shqipet #Kosova #vrasja #KosovareKurtaj #inskenim #aksident #tiktok #viral #FYP #foryoupage #kosovaalbania #gazetare #Ekskluzive #shqipetntiktok #rrëfim ♬ Epic – Joystock