Një person është arrestuar gjatë ditës së djeshme në Gjilan, pasi gjatë një bastisjeje në shtëpinë e tij janë gjetur dhe sekuestruar sasi e substancave të dyshuara narkotike e armë ilegale.

I dyshuari me urdhër të prokurorit, tashmë është dërguar në mbajtje. Sinjali mëson se i dyshuari është Avni Brestovci, 46-vjeçar.

Përmes një komunikate për media, Policia njofton se kanë kryer bastisje në shtëpinë e Brestovcit ku kanë gjetur dhe sekuestruar sasi të substancës së dyshuar narkotike të llojit kokainë, heroinë, armë ilegale, fishekë, e gjësende tjera të kundërligjshme.

“Gjatë bastisjes së shtëpisë dhe objekteve përcjellëse, në cilësi të provave materiale janë gjetur dhe sekuestruar dëshmitë si në vijim:

• Substancë narkotike e dyshuar për kokainë – 244.8 gram,
• Substancë narkotike e dyshuar për heroinë – 47.26 gram,
• Dy (02) Revole Zoraki, dy karikatorë, 13 fishekë 7.65 dhe një fotrollë e armës,
• Një (01)Pushkë ajrore – shurdhues artizanal,
• Një (01) sëpate e vogël,
• Gjashtë (06) thika,
• Një (01) Elektroshok,
• Një (01) Pako e cigareve me hapa,
• 9. Dy (02) peshore,
• Katër (04)telefona celular,
• Dy (02) folie të cilat shërbejnë për mbështjellje dhe tymosje,
• Një (01) fishek të kalibrit 8.57,
• Një dozë kokainë e gatshme për shitje,
• Pluhur i bardhë i dyshuar (sode bikarbonat),
• Shiringë,
• Tableta,
• Enë për tymosje te narkotikut,
• Fishekë me gas,
• Qese për paketim dhe kuti e zbrazët për ruajtje të narkotikëve”, thuhet në njoftim.

I dyshuari është shoqëruar për intervistim dhe me urdhër të Prokurorit të Shtetit, i njëjti është dërguar në mbajtje për 48 orë.