Emisari i Bashkimit Evropian për dialogun Kosovë-Serbi, Miroslav Lajçak, ka takuar sot presidentin serb Aleksandar Vuçiq në Davos të Zvicrës.
Gjatë këtij takimi, Lajçak dhe Vuçiq kanë biseduar për hapat e ardhshëm në dialogun Kosovë-Serbi.
Përmes një postimi në X, Lajçak ka thënë se me presidentin serb folën edhe për çështje aktuale urgjente.
“Kisha një diskutim të rëndësishëm me presidentin e Republikës së Serbisë për zhvillimet e fundit në dialogun për normalizimin e marrëdhënieve me Kosovën, si dhe hapat e ardhshëm në periudhën e ardhshme. Folëm edhe për çështje aktuale urgjente”, ka shkruar Lajçak.
Had an important discussion with @predsednikrs on the latest developments in the Dialogue on the normalisation of relations with Kosovo, as well as the next steps in the coming period. We also spoke about urgent current issues. pic.twitter.com/AHAPe2aphY
— Miroslav Lajčák (@MiroslavLajcak) January 17, 2024