“Pengonin këta që janë tani në pushtet me kauzën e rrejshme të demarkacionit“.

Ish-kryeministri i Kosovës, Isa Mustafa, pati thënë më 2015, se më 2016 qytetarët do të lëvizin lirshëm në zonën Schengen

 “Jemi të sigurt që në vitin 2016 qytetarët tanë do të udhëtojnë pa viza”, thoshte ai nga mbledhja e qeverisë, shkruan Gazeta Insajderi.

Madje në një emision televiziv atëherë kryeministri e kishte cilësuar këtë si moment historik.

“Është një ditë mund të them pak e vonuar, por është një ditë shumë e merituar e qytetarëve të Kosovës”, thoshte Mustafa, shkruan Gazeta Insajderi.

Por, nga këto deklarata kanë kaluar tetë vjet – dhe liberalizimi i vizave pritet të ndodh sot.

Tash ish-kryeministri Mustafa në një deklarim për Gazetën Insajderi tregon pse liberalizimi nuk ka ndodh atëherë, dhe çfarë e ka penguar.

“Liberalizimi është dashur të ndodhë në vitin 2016, atëherë kur kemi qenë në prag të përmbushjes së të gjitha kritereve. Pengonin këta që janë tani në pushtet me kauzën e rrejshme të demarkacionit”, ka thënë Mustafa, shkruan Gazeta Insajderi.

Ai tutje tha se qytetarët e kanë merituar këtë të drejtë që moti.

“…prandaj edhe pse me shumë vonesë i gëzohem përmbylljes së këtij procesi”, tha Mustafa për Gazetën Insajderi.  

Lexo edhe:

Ndryshe, më 18 prill pritet të bëhet votimi i fundit për LIBERALIZIMIN e vizave të kosovarëve.

Kështu ka konfirmuar për Gazetën Insajderi, zëdhënës i Parlamentit Europian, Ojamo Janne.

Se kështu do të ndodhë e thotë edhe faqja e Komitetit për Drejtësi dhe Liri Civile të Parlamentit Evropian (LIBE) në Twitter, aty ku ka publikuar agjendën për datat 17-20 prill.

This week in #Eplenary (17-20/4)

– Short-stay visa freedom between 🇪🇺 and Kosovo🇽🇰 (rapp. @thijsreuten): endorsement Tue
– Resolution on progress towards a horizontal anti-discrimination directive (rapp. @AliceBahKuhnke): vote Wed

1/5

— LIBE Committee Press (@EP_Justice) April 14, 2023

Komiteti LIBE njofton se më 18 prill në planin e ditës do të jetë votimi i vizave për kosovarët, që parashihet të ndodh rreth orës 12:00-13:00, shkruan Gazeta Insajderi.

Ky votim do të ndodh pas atij që ndodhi në LIBE më 23 mars, ku u miratua përfundimisht liberalizmi i vizave për Kosovën.

Ndryshe, më 9 mars, Këshilli i Ministrave të BE-së ka votuar pro liberalizimit të vizave për kosovarët, shkruan Gazeta Insajderi.

© Gazeta Insajderi