08:16 - 22 Shtator 2021

Në Kosovë aktualisht janë 7.635 raste aktive me COVID-19.

Nga të dhënat e fundit të Institutit Kombëtar të Shëndetësisë Publike të Kosovës (IKShPK) më së shumti raste aktive janë në Komunën e Prishtinës. Aktualisht në kryeqytet janë 1.611 raste aktive.

IKShPK të martën njoftoi edhe për 7 vdekje dhe 173 raste të reja me COVID-19.

Për të parandaluar përhapjen e koronavirusit institucionet shëndetësore dhe shtetërore kanë marrë masa që nga fundi i muajit gusht. Këto masa do të vazhdojnë deri më 26 shtator.