11:20 - 22 Nëntor 2022

Nga tetori i vitit 1998 nuk dihet asgjë për fatin e tij. Gjithçka që la pas prej kur u zhduk është një ditar. Sadri Ramqaj veprimtar i njohur i çështjes kombëtare, tash e 24 vite ende nuk e ka një varr ku të prehet.

Ramqaj është harruar nga organet e drejtësisë, por jo nga vëllai Shukriu, i cili për dy dekada rresht vazhdon të kërkoj drejtësi për zhdukjen e tij.

Në një intervistë për Insajderin, Shukri Ramqaj rrëfen në detaje për veprimtarinë e Sadriut. Si një student i dalluar në Fakultetin e Mbrojtjes në Serbi, Sadriu u detyrua të largohet pasi ishte vënë në shënjestër nga okupatori serb.

20 shtatori 1998 ishte dita kur Sadriu e takoi kolonel Ahmet Krasniqin. Ata kishin nënshkruar një kontratë për sigurimin e armëve nga Bosnja. Dy ditë më vonë do takoheshin për t’i nxjerr një shumë të konsiderueshme të hollash nga banka Dardania. Bëhej fjalë për 3 milionë marka. Por, ai takim nuk ndodhi kurrë.

Ndiqeni rrëfimin e plotë: