Ministri i Kulturës, Rinisë dhe Sportit në Qeverinë e Kosovës, Hajrulla Çeku, ka pritur në zyrën e tij aktoren preshevare, Egzona Salihun.

Ajo u përjashtua ditë më parë nga puna në Shtëpinë e Kulturës në qytetin e Preshevës. I pari i kulturës në qeverinë e Kosovës i premtoj asaj përkrahje dhe ndihmë në zhvillimin e aktiviteteve kulturore e artistike në qytetin e Preshevës.

Njoftimi i plotë nga ministri Çeku

Pak ditë pasi Shtëpia e Kulturës në Preshevë largoi nga puna aktoren e vetme shqiptare, Egzona Salihu, e prita në takim në MKRS për tu informuar detajisht mbi situatën.

I premtova mbështetje të plotë në betejën e saj kundër padrejtësive dhe diskriminimit. Në të njëjtën kohë, biseduam për bashkëpunime përmes projekteve kulturore në Kosovë dhe Luginë, duke mos lejuar që politikat momentale të ndikojnë në kulturën e artistët tanë.