Ekipet e shpëtimit që kanë arritur në Turqi nga vende të ndryshme të botës, po bëjnë të pamundurën që t’i nxjerrin gjallë qytetarët që kanë mbetur të ngujuar nën rrënojat e ndërtesave të shembura.

Megjithatë temperaturat e ulëta po ua vështirësojnë në masë të madhe punën, ndërsa numri i viktimave nga çasti në çast po vjen duke u rritur.

Deri më tani raportohet për mbi 11 mijë e 200 të vdekur në Turqi dhe Siri, kurse Ankaraja njoftoi se vetëm në Turqi janë regjistruar 8.574 viktima.

E një ekip i shpëtimit që u dërgua nga Izraeli, ka arritur ta shpëtojnë një 23-vjeçare nga rrënojat e një ndërtese të shembur në Turqi.

Ushtria izraelite ka publikuar në Twitter momentet e shpëtimit të gruas turke.

“Për forcat mbrojtëse të Izraelit, nuk ka asgjë më të rëndësishme sesa shpëtimi i jetëve të njerëzve”, thuhet përbri videos së publikuar në rrjetin social. 

Trigger Warning ⚠️
RAW FOOTAGE: Watch as IDF search and rescue experts extract this 23-year-old woman to safety after the devastating earthquake in Türkiye.

For the IDF, there is no greater mission than saving a life. pic.twitter.com/KPCTgUBMfi

— Israel Defense Forces (@IDF) February 8, 2023