Që prej konfirmimit të lidhjes së re të Loredanës me futbollistin Karim Adeyemi, të gjithë sytë janë nga Mozzik dhe reagimet e tij.
Edhe pse reperi nuk ka folur dhe as reaguar zyrtarisht, postimet e tij të kësaj jave janë marrë si thumba.
Ai u bë lajm fillimisht kur u shfaq me fanellën e Bayern Munich, duke pretenduar se do ishte pjesë e skuadrës gjermane si portier. Sigurisht, kjo nuk do përbënte lajm po të mos ishte për faktin se i dashuri i ri i Loredanës është lojtar i Borussia Dortmund.
Një ditë më parë Mozzik zbuloi se kush ishte ‘’gruaja’’ e tij e re me 2 milionë ndjekës me të cilën do të martohet këtë verë dhe ajo ishte Kida, me të cilën sot do të sjell këngën dhe videoklipin e ri.
Por, nuk ka mbaruar me kaq. Mozzik na ka treguar në Instagram një tjetër veshje nga klipi që duket po ashtu një mesazh i koduar.
Reperi zbuloi se do vishet me një kostum si të Johnny Depp nga gjyqi i tij me Amber Heard. Mozzik ndau edhe një foto të aktorit nga salla e gjyqit me atë veshje.
Kujtojmë se Depp paditi Heard për prishje imazhi dhe shpifje në një artikull ku shkruante se ishte viktimë e dhunës. Në fund Depp u shpall i pafajshëm dhe e fitoi gjyqin ndaj ish-partneres.