Kosova sot është zyrtarisht në ditë zie, pas vrasjes makabre të Gjyljeta Ukellës nga bashkëshorti i saj, dje në qendër të Pejës.

Por, kjo dhe dukuria shqetësuese e vrasjeve në Kosovë si ka bërë përshtypje fare kryetarit të Kuvendit, Glauk Konjufca.

Ai ka shkuar pasditën e sotme në Maqedoninë e Veriut për t’u përzier në fushatën parazgjedhore që po mbahet atje.

Me veturë zyrtare, me truproja e i buzëqeshur, ai ka shëtitur bashkë me kandidatët e koalicionit ‘VLEN’ nëpër qytetet e Maqedonisë së Veriut.

Përtej kësaj, ai ka mbajtur edhe një fjalim para të pranishmëve në Likovë.

Lëvizja Vetëvendosje, në kohën sa ishte në opozitë kritikonte pushtetarët e atëhershëm se po pëdorin “xhipa e truproje me para të shtetit”. E lëre më në rast se ato shfrytëzoheshin për fushata partiake, e në shtete të tjera.

Përveç Konjufcës, sonte në fushatë zgjedhore në Maqedoninë e Veriut, fizikisht ka shkuar edhe ministrja e Drejtësisë, Albulena Haxhiu.

/Insajderi.org/