Kanë mbetur të lënduar dy policë në Gjilan si pasojë e një aksidenti i cili ka ndodhur në orët e para të së mërkurës.
Siç ka konfirmuar për Insajderin Zëdhënësi i policisë për rajonin e Gjilanit, Ismet Hashani, një person nga pakujdesia, gjatë kthimit të pasigurt godet automjetin zyrtar të policisë, me ç’rast janë lënduar dy policë dhe shoferi i veturës civile.
Hashani theksoi se pas tretmanit mjekësor në qendrën emergjente në Gjilan, të gjithë të lënduarit janë liruar për në shtëpi.
“Rrethanat e rastit janë duke u hetues nga hetues policor të aksidenteve”, theksoi ai.
“Me datën 03.01.2024 rreth orës 03:05 ka ndodhur një aksident trafiku në rrugën ‘’Avdullah Tahiri’’ në Gjilan. Deri tek aksidenti dyshohet të ketë ardhur kur vozitësi i veturës me targa civile gjatë kthimit të pasigurt godet automjetin zyrtar të Policisë së Kosovës me ç’ rast përpos dëmeve materiale lëndime të lehta trupore pësojnë ngasësi i veturës civile dhe dy zyrtarët policor të cilët ishin në veturën zyrtare. Pas tretmanit mjekësor në qendrën emergjente në Gjilan të gjithë të lënduarit janë liruar për në shtëpi. Rrethanat e rastit janë duke u hetues nga hetues policor të aksidenteve”.