Selia qendrore e partisë së Fatmir Limajt, NISMA ka pasur një “mysafir” të paftuar i cili ka qenë i armatosur me armë të ftohtë.

Endrit Shala nga kjo parti, i ka thënë Insajderit, se personi ka pasur një thikë në momentin kur ka hyrë në selinë qendrore të NISMA-s.

“Mund të konfirmoj vetëm se ka pasur një rast në selinë qendrore të NISMA-s ku një person me thikë ka hyrë në objekt por është evidentuar dhe kapur. Tash me rastin po merret policia”, ka thënë Shala për Insajderin.

Insajderi ka kontaktuar edhe Policinë të cilët kanë thënë se personi në fjalë dyshohet të ketë probleme mendore./Insajderi.com