Një punëtor i Policisë së Kosovës në Prizren është sulmuar nga qenët endacak në orët e hershme të mëngjesit derisa po shkonte në punë.
Rastin në Gazetën Insajderin është raportuar nga një familjare e punëtorit, e cila tha se i njëjti ka marrë kafshime në këmbë dhe është trajtuar në Spitalin e Prizrenit.
Tutje, ajo shtoi se punëtori i policisë tashmë është vaksinuar dhe gjendje e tij është stabile.
Rasti ka ndodhur në lagjën ‘Ortakoll’ në Komunën e Prizrenit. Në këtë lagje edhe më herët ishte raportuar për numër të madh të qenëve endacak që bredhin rrugëve.
Gazeta ka kontaktuar edhe Policinë e Kosovës në Prizren për të marrë më shumë detaje për rastin por, ende nuk ka ndonjë informacion.
Problemi me qenët endacak po bëhet çdo ditë e më i rrezikshëm për qytetarët e vendit./Insajderi.org